Canslo

Canslo Gwyliau neu Rhan o Wyliau

Rhaid i chi roi gwybod i ni yn ysgrifenedig o'ch cansliad cyn gynted â phosibl – 07780 548 288 / pysgodfflat@hotmail.com neu, os ydych yn archebu trwy'r calendr ar y wefan, a thrwy hynny drwy gwmni y Gorau o Gymru gallwch roi gwybod ysgrifenedig iddyn nhw o'r cansliad.

Y diwrnod yr ydym yn derbyn eich hysbysiad i ganslo eich gwyliau yw'r dyddiad y byddwn yn canslo eich archeb.

Yn ddibynnol ar reswm y cansliad mae posibiliad y gallwch, yn ôl ein disgresiwn ni, dderbyn yr holl arian yr ydych wedi ei dalu eisoes am y gwyliau yn ôl ag hepgor y taliad archebu (os yn berthnasol), a thaliad gweinyddol o £60. Mae mwy o wybodaeth isod ynglŷn â'r achosion y baswn yn barod i ystyried hyn. Mewn achosion eraill, byddwch yn rwymedig i dalu tâl llawn y gwyliau heblaw y byddwn yn gallu ail osod y llety yn ystod y dyddiadau eich gwyliau, neu rannau o'r dyddiadau hynny. Yn yr achosion hynny byddwn yn fodlon ystyried ad-daliad, ag hepgor y taliad archebu (os yn berthnasol), a thaliad gweinyddol o £90.

Os, ar ôl i chi archebu a thalu am eich gwyliau y gwelwch bod rhaid i ganslo am y rhesymau isod:

marwolaeth, salwch, dolur neu cwarantin gorfodol i chi neu unrhyw aelod o'r criw sy'n cymryd gwyliau gyda chi neu o *berthynas neu **cyswllt busnes agos (gweler ddiffiniadau isod), nad sydd yn cynnwys anifeiliaid anwes.

Anhrefn neu amhariad i unrhyw wasanaeth trafnidiaeth gyhoeddus ar brif dir gwledydd ynysoedd Prydain, yr ydych yn dibynnu arnynt i gyrraedd eich llety, o achos streic, cloi allan neu helynt sifil. Bydd angen y tocynnau fel prawf cyn gallu hawlio.

Rydych chi neu unrhyw aelod o'ch grwp gwyliau dan orfodaeth i fod ar reithgor neu i ymddangos fel tyst mewn llys barn, ar yr amod eich bod eich cais ysgrifenedig i newid y dyddiad wedi cael ei wrthod.

Yr heddlu angen eich presenoldeb chi neu unrhyw un yn y grwp gwyliau yn dilyn tân neu lladrad yn eich cartref neu lle gwaith.

Difrod damweiniol i'ch tŷ chi neu i dy unrhyw un yr ydych yn teithio gyda nhw, sydd yn sydd yn datgan y tŷ yn amhreswyliadwy ac sydd wedi digwydd oddi mewn i bedwar diwrnod ar ddeg o'r dyddiad gadael arfaethiedig neu yn ystod y gwyliau.

Chithau neu unrhyw aelod o'r grwp gwyliau yn derbyn hysbysiad o ddiswyddiad oddi mewn i ddeufis o ddyddiad dechrau'r gwyliau, sydd yn gymwys i daliad statudol dan ddeddfau presennol.

* gwr/gwraig/cymar, plentyn, rhiant, rhiant-yng-nghyfraith, brawd, chwaer neu ddiweddu. ** Cyd-Gyfarwyddwr/wraig neu Partner Busnes

Ond ddim yn cynnwys:

unrhyw salwch na chyflwr cylchol na parhaus na chyflyrau ac anafiadau meddygol oedd yn bodoli'n barod.

Beichiogrwydd na rhoi genedigaeth pan oedd y dyddiad disgwyl genedigaeth o fewn deufis o ddechrau'r gwyliau.

Epidemig neu pandemig, fel y diffinir ac y gyhoeddir ef gan y World Health Organasation, yr Adran Iechyd neu DEFRA.

Methiant i ddilyn cyngor meddygol gywir.

Chwaraeon neu hobiau peryglus

Yn teithio yn groes i gyngor meddygol.

Ysgariad, gwahaniadau neu berthynas bersonol yn chwalu.

Byddwn fel arfer, ond yn llwyr ar ein disgresiwn ni ein hunain, yn ad-dalu'r hyn rydych wedi'i dalu eisoes am y gwyliau ag hepgor y taliad archebu (os yn berthnasol), a thaliad gweinyddol o £60 neu mewn achos o dorri'r gwyliau yn fyr, y cyfran o'r gwyliau yr ydych wedi'i golli ag hepgor y taliad archebu (os yn berthnasol), a thaliad gweinyddol o £60.

Mewn achosion eraill byddwn yn ceisio ail-osod y llety ac os yn llwyddiannus byddwn fel arfer yn ystyried ad-dalu cost y gwyliau ag hepgor y taliad archebu (os yn berthnasol), a thaliad gweinyddol o £90 ac unrhyw gostau eraill sydd yn resymol i'w hystyried wrth geisio ailfarchnata'r gwyliau. Ni fydd y blaendal yn cael ei dalu yn ôl mewn achosion o'r fath. Os nad ydym yn llwyddiannus yn ail-osod y llety, bydd dal angen talu yn llawn am y gwyliau.

Ein penderfyniad ni fydd yn derfynol ym mhob achos.

   pysgodfflat@hotmail.com    07780 548 288